Lirik Lagu Cabiak - Payah Cari Karajo

Lah bausaho denai mancari karajo

Sampai kiniko indak kunjuang dapek juo

Sio sio den basikolah tinggi tinggi

Tapi ndak ado gunonyo

Jikok pitih palicin ndak ado

Satiok ado lowongan alah den cubo

Lah panek tes iko tes itu indak lulus juo

Sadangkan nan pakak nan bengak ba’a bisa lansuang ditarimo

Mungkin urang dalam dunsanaknyo

Papa jo mama den nyo lah payah payah

Tunggang tunggik basitungkin

Untuak mancari biaya den kuliah

Lah tajua jawi lah tagadai sawah

Dek harok nasib ko ka barubah

Payah bana hiduik di zaman kiniko

Sogok manyogok lah manjadi budayo

Supayo dapek karajo

Kok den tiru pulo den takuik jo doso

Kecek pak ustad nan manyogok jo nan di sogok masuak narako