Alah denai tau nan jo garak
Kilek baliuang alah ka kaki
Mangkonyo denai pai manjarak
Dari pado denai manahan hati
Samanjak denai pai dari rumah
Denai langkahkan kaki dak tantu arah
Raso manampuah rimbo rayo
Dak ado urang nan maraso ibo
Ba mamak indak ba bako tido
Dek ulah harato pusako
Lah bacakak alang jo bondo
Bialah denai mangalah sajo
Di batin nangko indak manarimo
Oi aruah nan kamandanga
Jalehkan malah duduak tagaknyo
Jan biakan kami taseso
Dek karano harato pusako
Ka tuhan kuaso denai basarah diri
Tunjuakkan malah jalan nan diridhoi
Jan dituntuik denai kamudian hari
Kabakeh nan indak denai akui
Ba mamak indak ba bako tido
Dek ulah harato pusako
Lah bacakak alang jo bondo
Bialah denai mangalah sajo
Di batin nangko indak manarimo
Oi aruah nan kamandanga
Jalehkan malah duduak tagaknyo
Jan biakan kami taseso
Dek karano harato pusako
Saba di hati bia denai pandam
Jo isak tangih di tangah malam
Pado dunsanak denai sasali
Bia denai mancari untuang surang diri
Nyampang ta angkek harago diri
Jadi urang denai di nagari
Denai salamaikan dunsanak sadonyo
Dari pado bacirabuik harato pusako
Denai salamaikan dunsanak sadonyo
Dari pado bacirabuik
Harato pusako
Posting Komentar untuk "Lirik Lagu Ainida Diaz - Ba Mamak Indak Ba Bako Tido V2"